لكل أم وأب ؛ أحذر من هذه القنوات على أطفالك - شير للاهمية

نعتذر عن فظاظة الصور ولكن وجب التنويه، مشاهد وقبلات ساخنة في قناة كرتون نتورك بالعربية للأطفال !
لا تندهش لما تراه فى الصورة ! فهذا ما يشاهده أطفالك على قنوات الأطفال التى تتركهم أمامها بالساعات !
تحذير وكارثة تنشرها لنا أم مصرية عن تجربتها مع هذه القنوات التى بدأت تتابع بدقة ما تنشره هذه القنوات لاطفالنا بدون رقابة عليها، وللاسف لا ينتبه لها أحد من الابوين والضحية هم اطفالك :( لنتابع ...

تبدأ هذه الام بقولها : إيه رأيكم في الصور دي!!!
أكيد هتستغربوا إني أحطها عندي مش كده!!
ده بقى اللي كتير من الناس بيقرر يسيب أولاده أدامه وبيكونوا مبسوطين إن الأولاد قاعدة مش طالع لهم صوت ومستريحين إنهم حلوا عنهم شويه... وبيتعرض عليهم زي الصور دي.
وبعد كده بنلاقي بلاوي وبنلاقي الأطفال بيعملوا حاجات بنتصدم إزاي عرفوها واتعلموها من فين!!
معظم أفلام الكارتون بيبقى ليها هدف غير معلن وغير واضح وبيصدروهالنا علشان تلعب في عقول الأطفال الصغار اللي هم هيبقوا شباب المستقبل واحنا زي الهبل بنفرح وبنسلمهم بإدينا لهم!!!

يقوموا يتفرجوا على الإيحاءات الجنسية وإيحاءات لأعضاء تناسلية من صغرهم وعلى الشذوذ كمان والعلاقات المحرمة.
الأخطر من كده وده أنا شفت اللقطة دي بنفسي الصورة اللي فيها ولد بيقبل بنت دي المفروض في الكارتون إنها أخته وهو بيبوسها وفي الخلفية صاحبه بيقول له: "أليست أختك؟!! أنا لا أفهم شيء هل أنت..... وهل أنت ...."
يقوم الأخ يرد ويقول: "يا إلاهي أبي سوف يقتلني"!!!
وساخة وقذارة وكل حاجة ممكن الواحد يتخيلها وكمية معلومات بتدخل للطفل واحنا ولا هنا

مشاهد وقبلات ساخنة في قناة كرتون نتورك بالعربية للأطفال

وطبعًا بقيت الصور شارحة نفسها مش محتاجة تعليق والبطل اللي الأطفال بتحبه وبتتفرج عليه وشنطهم فيها رسوماته وبلبسوا في الحفلات الزي بتاعه Batman أو حتى Superman أو Spiderman آدي الأبطال العظام اللي في حياة الطفل بيخلوا أطفال تتفرج عليه وهو بينقذ واحدة ويقبلها (مالها القبلة بأفلام الأطفال إلا لو كان الهدف منها عرض مشاهد جنسية يقوم الطفل يخزنها ويتعود عليها)!!!
ده غير مشاهد الشذوذ اللي بتتعرض عليه.

حتى لو مفيهاش مشاهد جنسية كتير منها بيحرض على العنف وعلى سلوكيات سيئة وغير مقبولة.
Spongebob اللي جت فترة الأطفال موهومين به كارتون أهبل وكله إهانة وتهزيء وتريقة على البعض!!!
وكارتون Barbie كله غيرة ومحاولة إثبات الأفضل وبيركز للبنات على المظهر وإن يكون عندها لبس كتير وجزم كتير وبزرع جواهم كده بطريقة غير مباشرة ... وفتحت حلقة منهم كان كلام باربي فيها "القانون الأول لحفلات باربي: أهم الأشياء تغيير الأزياء".
ده غير إن واحدة معجبهاش الأكل ترميه على الأرض ويجيلها غيره!!! وغير وغير وشعري مش عارف إيه!!!!
وبالفعل الأطفال بقوا بيقلدوا الكلام ده وبيبان في كلامهم وسلوكياتهم وبدل ما هنبني شخصيات يفتخر بها العالم وشخصيات تقود العالم بنبني شخصيات كل همها مظهرها ولبسها وشخصيات استهلاكية وبس... ومش راضية عن حالها ولا واقعها....
وبالفعل بدأنا نلاقي أطفال في سن الروضة بيقبلوا زميلاتهم وتلاقي واحد بيقول فلان بيحب فلانة وهيتجوزها وأشياء من هذا القبيل في سن المفروض إنه سن البراءة وده كله من أثر هذا الجهاز اللعين وهذه الأفلام.
حرام عليكم أولادكم دول أمانة في أيديكم....

والمدهش أكتر من كده لما ألاقي آباء بيخلوا أطفالهم يتفرجوا على مسلسلات اليومين دول اللي كلها قرف وخيانة ومشاهد جنسية وبلاوي سوده
ولما ألاقي طفلة جاية بتمثل الكلام ده وبتقول لصاحبتها أنا سمر وانت مهند كأن في بطني بيبي ومحدش عارف!!!!
والله كارثة من كوارث الزمن الله أعلم إن مربناهمش كويس هيطلعوا عاملين إزاي في هذا الزمن ... ربنا يلطف

وبالمناسبة الأفلام اللي زي كده في قنوات
art teenz
cartoon network
mbc3
disney channel
nickelodeon
وغيرهم ...
فكروا مرة تشغلوا حلقات كرتونية وتحاولوا تشوفوا الرسالة الخفية الغير مُعلنة اللي فيه. اللي ممكن تمر في ثواني وأولادنا يلقطوها أسرع منا

من الأخر كده يا تقعد جنبهم وتشوف هم بيشوفوا إيه وتعلق على الحاجة السيئة يا تشوف لهم بدائل تانية تشغلهم بها غير التلفزيون.
كل واحد يراجع نفسه ويشوف عمل إيه في أمانته اللي لما ربنا يستردها منه ويسأله عنها هيكون رده عامل إزاي!!
حافظ على الأمانة بتاعت ربه ولا فرط فيها!!! اعملو شير لكل أصحبكم علشان ياخدوا بالهم.